Local News

ဘဝမှာ အစွန်းနှစ်ဖက်မှာ အမြဲနေထိုင်ရတယ် လို့ပြောလာတဲ့ ပန်ဆယ်လို

ဘဝမှာ အစွန်းနှစ်ဖက်မှာ အမြဲနေထိုင်ရတယ် လို့ပြောလာတဲ့ ပန်ဆယ်လို

ကိုယ်က (၂)ဂဏန်းသမားတော့ မဟုတ်ဘူး။ ဒါပေမယ့် ကိုယ့်အကျိုးပေးက (၂)ဂဏန်းသမားတွေလိုပဲ။ ဘဝမှာ အစွန်းနှစ်ဖက်မှာ အမြဲနေထိုင်ရတယ်။

ကိုယ်ကို ချစ်တဲ့၊ မုန်းတဲ့သူတွေကလည်း အစွန်းနှစ်ဖက်မှာပဲ။ ချစ်တဲ့သူတွေကလည်း ချစ်ပေးကြသလို မုန်းတဲ့လူတွေကလည်း ဘာလုပ်နေနေ မုန်းတာပဲ။ ကိုယ့်အနေနဲ့ ချစ်ကြသူတွေကို အာရုံစိုက်လိုက်ရင် ဘဝင်တွေမြင့်ပြီး အဝတ်မကပ်အောင် ရူးသွားနိုင်သလို မုန်းကြသူတွေကို စောက်ဖက်လုပ်မိရင်လည်း စိတ်ဆင်းရဲပြီး လဲသေသွားနိုင်တယ်။

ကိုယ်က ငယ်ငယ်ကတည်းက စကားတစ်ခွန်းကို စိတ်ထဲစွဲခဲ့တယ်။ “သူများပါးစပ်လှုပ်တိုင်း ကိုယ့်စိတ်က လိုက်မလှုပ်စေနဲ့” တဲ့။ လုံးဝအပြည့်အစုံလိုက်နာနိုင်တာ မဟုတ်ပေမယ့် အတော်များများတော့ ကျော်ဖြတ်နိုင်ခဲ့တယ်။

ကောင်းတာ ချီးမြှောက်ခံရရင်လည်း ငါတော်လွန်းလို့မဟုတ်ဘူးဆိုတာ သတိအမြဲကပ်သလို ဆိုးတာ ဝေဖန်ခံရလည်း ငါညံ့လွန်းလို့ မဟုတ်ဘူးလို့ အမြဲခွင့်လွှတ်တယ်။ ကိုယ်ခံယူထားတဲ့ ကိုယ့်တန်ဖိုးဆိုတာ ကိုယ့်လုပ်ရပ်တွေကို ကိုယ်တိုင် အရင်းခံအတိုင်း သတ်မှတ်ခြင်းပဲ။

နင် မရင့်ကျက်ပါဘူးလို့ ပြောရင် ဟုတ်ပါတယ်။ ဒါပေမယ့် ကိုယ်ဖြတ်သန်းရတဲ့အရာတွေဟာ လူတိုင်းမကြုံတွေ့ဖူးနိုင်ဘူး။ ဒီလောက် ခါလှုပ်နေတာကို ဒီလောက်ဂယက်ထတာလောက်ကပဲ အထိန်းချုပ်နိုင်ဆုံး အခြေအနေပဲ။

ချစ်သူ၊ မုန်းသူ အစွန်းနှစ်ဖက်မှာရှိတာလည်း မပြောနဲ့။ ကိုယ်တိုင်ကလည်း ချစ်တဲ့သူဆို အစွန်းစွန်ဆုံး နူးညံ့သလို မုန်းသူဆိုရင်လည်း ပျစ်နှစ်နေအောင် ကြုံးတတ်တာ။ ကိုယ့်မှာ အားနာတယ်ဆိုတာ သိပ်မရှိလှဘူး။

ကိုယ့်ကို အပြင်မှာဆုံဖူးသူတိုင်း စခံစားရတဲ့အသိက အပြင်က ပန်ဆယ်လိုက ဖေ့စ်ဘုတ်ပေါ်က ပန်ဆယ်လိုနဲ့ မတူဘူးဆိုတာပဲ။

ဖေ့စ်ဘုတ်ပေါ်က ပန်ဆယ်လိုဆိုတာ ကိုယ်တည်ဆောက်ထားတဲ့ Character တစ်ခု သက်သက်ပဲ။ ဒါပေမယ့် ဒီအရေခွံတစ်ခုနဲ့ အနေရကြာလာတဲ့အခါ ကိုယ်ဟာ အပြင်က ပန်ဆယ်လိုအဖြစ်နေရင်းကနေ ဖေ့စ်ဘုတ်ပေါ်က ပန်ဆယ်လိုအဖြစ် လိုအပ်ရင် ချက်ချင်းထဖြစ်လိုက်ဖို့ သိပ်မခက်ခဲတော့တာပဲ။

ပုံမှန်မှာ ဖေ့စ်ဘုတ်ပေါ်ကလို အမြဲကြ မ်းတမ်းနေတာတော့ ဘယ်ဟုတ်ပါ့မလဲ။ ကောင်းမွန်သူတွေကို ကောင်းမွန်စွာ ရပ်တည်ပေးဖို့ အဆင်သင့်ဖြစ်သလို မကော င်းဆိုးဝါးတွေနဲ့ တွေ့ရင်လည်း ဘီလူးဆိုင်းတီးပြဖို့ နည်းနည်းလေးမှကို တွေဝေမနေတာ။

မှန်လို ကျင့်တယ်။ ပြုံးပြရင် ပြန်ပြုံးပြမယ်။ မဲ့ပြရင် ပြန်မဲ့ပြမယ်။ စိတ်ပေါက်လာရင်တော့ မှန်ဘီလူးလို့ပေါ့။ မဲ့ပြရင် ရွဲ့ပါပြလိုက်တာ။ သင်ကောင်းလျှင် ကျွန်ုပ်မဆိုးပါ။ သင်မကောင်းရင်တော့ ဝေးဝေးမှာ မကောင်း။ အနားလာမကောင်းရင်တော့ စော က်ခွက်ပါ ထရိုက်မှာ။

ကိုယ်စော က်ကြောတင်းတယ် မတင်းဘူးဆိုတာက တစ်ဖက်လူရဲ့ စော က်ချိုးပေါ် လုံးဝကို မူတည်တာ။
🙂