Local News

ဒီလိုစိတ်ဓါတ်တွေနဲ့ ပြည်သူတွေက ဒင်းတို့ထက် အဆပေါင်းများစွာ များတယ်လို့ ပြောလာတဲ့ ပန်ဆယ်လို

ဒီလိုစိတ်ဓါတ်တွေနဲ့ ပြည်သူတွေက ဒင်းတို့ထက် အဆပေါင်းများစွာ များတယ်လို့ ပြောလာတဲ့ ပန်ဆယ်လို

လေလံတင်ထားတဲ့ စိန်လက်စွပ်လေးနဲ့ အမေစုပုံရတနာရင်ထိုးလေးရဲ့ လေလံအောင်စျေးကို ကြေညာပေးပါတော့မယ်ရှင်။

$2800 တန်ဖိုးရှိ စိန်လက်စွပ်လေးကို $6100 နဲ့ လေလံအောင်သွားသလို $2000 တန်ဖိုးရှိ အမေစုပုံရတနာရင်ထိုးလေးကို $12000 နဲ့ လေလံအောင်သွားပါတယ်။

စိန်လက်စွပ်ကို လေလံအောင်သွားသူ အမကလည်း သူဌေးမကြီး မဟုတ်တဲ့ အိမ်ရှင်မတစ်ဦးဖြစ်သလို သူ့ပေးနိုင်စွမ်း အပြည့်အဝကို ပုံပေးလိုက်တာမျိုးပါ။

ရင်ထိုးလေးကို လေလံအောင်သွားတဲ့ မောင်လေးကတော့ ပြည်ပရောက် လူငယ်တစ်ဦးဖြစ်ပြီး သူ့တွေးဆပုံက ထူးဆန်းပါတယ်။ အမှန်က အစက သူက ရင်ထိုးရော၊ လက်စွပ်ရော $6000 စီနဲ့ $12000 ပေးထားသူပါ။

လက်စွပ်ကို 6100 လာပေးထားတယ်လို့ အကြောင်း ပြန်လိုက်တဲ့အခါ သူက ဘာပြန်ပြောလဲဆိုတော့ လက်စွပ်ကို လိုက်ပေးမယ်ဆို ပေးလို့ရပေမယ့် သူ ၆၂၀၀ ပေးလိုက်မယ်ဆို အလှူငွေက $12200 နဲ့ ပြီးဆုံးသွားမှာတဲ့။

ဒါ့ကြောင့် လက်စွပ်ကို $6100 အမကို လေးစားစွာ ပေးပေးပါတဲ့။ ရင်ထိုးကို သူ $12000 ပေးပါ့မယ်ခင်ဗျာတဲ့။ လက်စွပ်ကို သူမယူတော့ပါဘူးတဲ့လေ။

ဒီလိုစိတ်ဓါတ်တွေကြောင့် ငါတို့က နိုင်ကိုနိုင်မယ်ဆိုတာ ဘယ်လောက်စိတ်ထိခိုက်စရာတွေ ကြုံကြုံ စွဲမြဲယုံကြည်နေတာ။

မူရင်းနန့်ထနေတဲ့ဟာတွေကို ကြည့်မနေနဲ့။ အချိန်ကုန်တယ်။ စိတ်ပင်ပန်းတယ်။ ဒီလိုစိတ်ဓါတ်တွေနဲ့ ပြည်သူတွေက ဒင်းတို့ထက် အဆပေါင်းများစွာ များတယ်။

အားတင်းထားကြစမ်းပါ။ ရအောင် ပြန်ရုန်းထကြမယ်။

ပန်ဆယ်လို

About the author

admin

Add Comment

Click here to post a comment