ပဲခူးမြို့သို့ အလည်ပြန်လာသည့် ဒုရဲမှူးကို ကားရပ်မပေး၍ဟု ဆိုကာ စစ်ဆေးရေးအဖွဲ့မှ ရဲတစ်ဦးက…see more

ပဲခူးမြို့သို့ အလည်ပြန်လာသည့် ဒုရဲမှူးကို ကားရပ်မပေး၍ဟု ဆိုကာ စစ်ဆေးရေးအဖွဲ့မှ ရဲတစ်ဦးက…see more

ပဲခူးမြို့တွင် ဇွန်လ ၁ရက်နေ့ ညနေ၅နာရီအချိန်ခန့်က ဒုရဲမှူးဆိုသူတစ်ဦးကို စစ်ဆေးရေးအဖွဲ့မှ ရဲတစ်ဦးက သေနတ်ဖြင့် ပစ်သတ်လိုက်ကြောင်း သိရသည်။

ပဲခူးတက္ကသိုလ်အနီး မီးပွိုင့်တွင် စစ်တပ်နှင့်ရဲတပ်ဖွဲ့မှ ကား၊ဆိုင်ကယ်များကို စစ်ဆေးနေစဉ် ကားတစ်စီးမှ မရပ်ပေးလို့ဆိုကာ ပစ်သတ်လိုက်ကြောင်းသိရသည်။

သေဆုံးသူသည် ဒုရဲမှူးကိုသီဟဆိုသူဖြစ်ပြီး ပြင်ဦးလွင်မှ ၎င်းဇာတိ ပဲခူးမြို့ကို အလည်ပြန်လာခြင်းဖြစ်သည်။

“ အဲ့ကားက ကုန်ကားနဲ့ကွယ်နေတာ သူတို့(ရဲတပ်ဖွဲ့) တားတဲ့အချိန် ရှေ့နည်းနည်းကျော်သွားတာကို မပြောမဆိုနဲ့ ကားတံခါးကို ဖွင့်ပြီး ယာဉ်မောင်းကို ပစ်သတ်လိုက်တာဗျ၊

သေသွားမှ ပစ္စည်းတွေကိုရှာရင်းနဲ့ ရဲမှန်းသိတာ သုံးပွင့်လို့ပြောတယ်၊ စစ်ဆေးနေတဲ့ စစ်သားတွေ ရဲတွေက အတော်ကိုမူးနေကြတာ

ဆဲဆိုအော်ဟစ်ပြီးတော့ ရမ်းကားနေတာ မထင်ရင် မထင်သလို သေနတ်တွေ ပစ်ဖောက်နေသေးတယ်ဗျ” ဟု မျက်မြင်တွေ့ရှိသူ အမျိုးသမီးတစ်ဦးမှ ပြောသည်။

ဒုရဲမှူးကိုသီဟကို ပဲခူးဆေးရုံကြီး ရင်ခွဲရုံသို့ ပို့ဆောင်ထားကြောင်းသိရသည်။

အဆိုပါ သေဆုံးမှုကို ကာယကံရှင်ဘက်မှ အမှုဖွင့်ထားခြင်း ရှိမရှိ အသေးစိတ်ကို မဇ္ဈိမကဆက်လက်စုံစမ်းနေသည်။

စစ်တပ်မှ အာဏာသိမ်းပြီးနောက် မြို့နယ်အနှံ့ လုံခြုံရေးအကြောင်းပြချက်ဖြင့် ကား၊ဆိုင်ကယ်များကို စစ်ဆေးနေပြီး ပြည်သူများကို အကြောင်းမဲ့ပစ်ခတ် သတ်ဖြတ်မှုများ စစ်ကောင်စီမှ ပြုလုပ်လေ့ရှိသည်။

Leave a Reply

Your email address will not be published.