မနှစ်တုန်းက စစ်တပ်က နိုင်နိုင်တယ်လို့ ရေးသားခဲ့တဲ့ နိုင်ငံတကာဆောင်းပါးရှင်က အခု လေသံပြောင်းသွားပြီ

မနှစ်တုန်းက စစ်တပ်က နိုင်နိုင်တယ်လို့ ရေးသားခဲ့တဲ့ နိုင်ငံတကာဆောင်းပါးရှင်က အခု လေသံပြောင်းသွားပြီ

၂၀၂၁ ဖေဖော်ဝါရီတုန်းက စစ်တပ်က နိုင်နိုင်တယ်လို့ ရေးသားခဲ့တဲ့ နိုင်ငံတကာဆောင်းပါးရှင်က ၂၀၂၂ မေလမှာ ရေးသားတဲ့ စစ်တပ်က ရှုံးလိမ့်မယ်လို့ ရေးလာတယ်။ ခေတ်သစ်မှာ ဘာသာပြန်ဆောင်းပါး တင်ထားတယ်။ ဖတ်ကြည့်သင့်တယ်။

ပြေးပွဲတစ်ခုမှာ ပြေးနေတဲ့သူတွေ မမြင်တဲ့ရှုထောင့်တွေကို ဘေးက ရပ်ကြည့်နေသူတွေက ပိုမြင်နိုင်တယ်။ ဒီတော်လှန်​ရေးမှာ ဒီဆောင်းပါးရှင်လိုလူက ဘေးကရပ်ကြည့်နေတဲ့သူပဲ။ သူတို့အမြင်က ဒီတော်လှန်ရေးကို ဘယ်လိုမြင်လဲဆိုတာ စိတ်ဝင်စားစရာတော့ ကောင်းတယ်။

ရေးထားတာတော့ အစုံပဲ။ ကိုယ်စိတ်ဝင်စားတာက တော်လှန်ရေး အဆင့် ၃ဆင့်ဆိုတဲ့ အရာပဲ။
(၁)ပြည်သူ့ခုခံမှု
(၂)ပြောက်ကျားစနစ်
(၃)ဒေသထိန်းချုပ်စနစ်
(သူကတော့ အရှည်ကြီးရေးထားတာ၊ ကိုယ်က ချုံ့ရေးပြတာ)
နံပါတ်(၃)အဆင့်ကိုရောက်ရင် လပ်တီး ရှုံးပြီပဲတဲ့။

ဆိုတော့ကာ တော်လှန်ရေးကို ပြန်ကြည့်လိုက်တော့ နံပါတ်(၁) အဆင့်က လွန်မြောက်သွားပြီ။ နံပါတ်(၂) အဆင့်ကို ရောက်နေပြီ။ နံပါတ်(၃) အဆင့်ကို ကူးပြောင်းဖို့ ဝိုင်းရုန်းနေကြတဲ့ အနေအထားကို ရောက်နေပြီဆိုတာပဲ။

တော်လှန်ရေးကာလ တစ်နှစ်ကျော်လာပြီဆိုတော့ အားလုံး ပင်ပန်းနေကြပြီ။ တခါတရံ စိတ်ဓါတ်ကျရတွေရှိတယ်။ ဒါပေမယ့် Conclusion ပြန်ထုတ်လိုက်ရင် ရှင်းလင်းတဲ့ အဖြေက ဒီတော်လှန်ရေးဟာ နံပါတ်(၂) အဆင့်ကို ရောက်နေပြီဆိုတာ ငြင်းစရာမရှိတဲ့ အနေအထားပဲ။

နံပါတ်(၃) အဆင့်ကို ကူးပြောင်းနိုင်ဖို့ တပ်ဖွဲ့စုစည်းမှုတွေ လက်နက်စုဆောင်းမှုတွေဟာလည်း အခြေအနေအတိုင်းအတာအဆင့်တစ်ခုထိ ရောက်ရှိနေပြီ။ တစ်နှစ်ကျော်အတွင်း ဒီလောက် တိုးတက်မြန်ဆန်တဲ့ တော်လှန်ရေး ဘယ်ခေတ်မှာ ရှိခဲ့ဖူးလဲ။

နံပါတ်(၃) အဆင့်ဟာ အခက်အခဲဆုံးနဲ့ အောင်ပွဲရဖို့ အနီးကပ်ဆုံးကာလပဲ။ ငါတို့ဟာ ဒီနေရာနီးနီးထိ ရောက်လာပြီဆိုတာ သိပ်အားတက်စရာကောင်းတဲ့အရာပဲ။

ယုံကြည်မှုထားစမ်းပါ။ ငါတို့ မနိုင်သေးသလို သူတို့လည်း မနိုင်သေးဘူး။ ငါတို့ပင်ပန်းနေသလို သူတို့လည်း ပင်ပန်းနေတယ်။ ငါတို့ မနားရသလို သူတို့လည်း မနားရဘူး။

ငါတို့ဘက်မှာ အဆုံးအရှုံးတွေရှိသလို သူတို့လည်း သေတယ်။ သေချာတာက သူတို့က ပိုသေတယ်။ အဲ့တော့ ငါတို့က မရှုံးသေးတဲ့ အပြင် နိုင်နေတာ။ သူတို့က မနိုင်သေးတဲ့အပြင် ရှုံးကိုနေတာ။

ကြက်ကလေး ငှက်ကလေးဖမ်းသလို အာဏာသိမ်းခြင်းကို ခေတ်အဆက်ဆက် အလွယ်လေး လုပ်လာတဲ့ မြန်မာ့နိုင်ငံရေးစောက်ကျင့်ဆိုးသမိုင်းမှာ ဒီတစ်ခေါက်ဟာ သူတို့အတွက် အခက်ခဲဆုံး အထိနာဆုံး ရှုံးကိုရှုံးမယ့်ပွဲပဲ။ ပြည်သူရဲ့ အရုန်းကန်ဆုံး သမိုင်းသစ်ပဲ။

နတ်စီတဲ့အိပ်မက်တွေ လွယ်လွယ်နဲ့ မရဘူး။ ကြီးမားတဲ့ အောင်မြင်မှုတွေဟာ အလွယ်လေး မရဘူး။ နိုင်ငံတစ်ခုလုံးရဲ့ အနာဂတ်၊ လူသန်းပေါင်းများစွာရဲ့ အနာဂတ်နဲ့ မျိုးဆက်တွေရဲ့ အနာဂတ်တွေ ပြောင်းလဲဖို့ဆိုတာ ကြီးမားတဲ့ အောင်မြင်မှုဖြစ်တဲ့အတွက် ရင်းနှီးပေးဆပ်နေကြရတာပဲ။

အားမလို အားမရဖြစ်ရင် အချင်းချင်းပတ်ရမ်းမယ့်အစား အလုပ်ပိုလုပ်ကြရမယ်။ ဘယ်UN မှ မလာဘူး၊ ဘယ်USမှာ မလာဘူး။ မလာလည်း ကိစ္စမရှိဘူး။ ဒီနေရာထိ ငါတို့ လျှောက်ခဲ့ပြီးပြီ။

အဆုံးထိ မလျှောက်ရင် အစကတည်းက မလျှောက်ခဲ့သလိုပဲ။ နှစ်ခါနာတယ်။ ရင်းနှီးပေးဆပ်ခဲ့ရတဲ့ အသက်တွေ ဘဝတွေ၊ သေသူတွေကို လစ်လျူမရှုသော အားဖြင့် ရှင်နေသူတွေက ပိုသန်မာကြရမယ်။

ယုံစမ်းပါ….
ကမ္ဘာကြီးမှာ နိုင်မြင်းက ငါတို့ပြည်သူတွေဆိုတာ အသံထွက်လာပြီ။ နိုင်မြင်းကို ရွေးလောင်းမယ့် ကမ္ဘာကြီးအတွက် နိုင်မြင်းက ဒီမှာဟေ့လို့ နားရွက်ဆွဲပြသနိုင်တဲ့ အခြေအနေရောက်လာတော့မှာ။

ငါတို့က နိုင်ကိုနိုင်မှာ
💪💪💪

Leave a Reply

Your email address will not be published.