မြန်မာစစ်တပ်သည် မနိုင်မည့်တိုက်ပွဲကို ဆင်နွှဲနေခြင်းသာဖြစ်တယ်လို့ အမေရိကန်ပြော

မြန်မာစစ်တပ်သည် မနိုင်မည့်တိုက်ပွဲကို ဆင်နွှဲနေခြင်းသာဖြစ်တယ်လို့ အမေရိကန်ပြော

(ဘာသာပြန်)
The Straight Times၊ ဇွန် ၁၂။

မြန်မာအာဏာသိမ်းစစ်အုပ်စုသည် နိုင်ငံတဝှမ်းဖြစ်ပွားနေသည့် ၎င်းတို့အားတော်လှန်တိုက်ခိုက်မှုများကို အောင်မြင်စွာချေမှုန်းနိုင်မည်မဟုတ်ကြောင်း အ‌မေရိကန်အကြီးတန်းအရာရှိတစ်ဦးကဆိုခဲ့သည်။

“စစ်တပ်ဖက်က သူတို့နိုင်မယ်လို့ ဘယ်လိုများတွေးယူနိုင်နေသေးလဲ ဆိုတာ ကြည့်ရခက်နေပါတယ်။ သူတို့က နယ်မြေတွေကို ဆုံးရှုံးနေရပါပြီ။

စကစ ရဲ့ စစ်တပ်က ဆိုးဝါးတဲ့ဆုံးရှူံမှုတွေကိုပဲရနေပါတယ် ” ဟု အမေရိကန်နိုင်ငံခြားရေးဝန်ကြီးဌာန၏ အကြံပေးဖြစ်သူ ဒဲရက် ချောလစ် (Derek Chollet) က ဆိုခဲ့သည်။

မြန်မာရဲ့ စ က နိုင်ငံတကာမှာသာမက ပြည်တွင်းမှာပါ တစ်ထီးတည်းဖြစ်နေကာ ၎င်းတို့အနေနဲ့ ယနေ့ဖြစ်ပွားနေသည့် တိုက်ပွဲများကို အဆုံးသတ်ပြီး ဒီမိုကရေစီကို ပြန်ပုံဖေါ်သင့်ကြောင်း ဘန်ကောက်သို့ ခေတ္တရောက်ရှိနေသည့် ချောလစ်က သတင်းထောက်များကို သောကြာနေ့ (ဇွန် ၁၀) က ဆိုခဲ့သည်။

ကျင်းပပြီးဖြစ်သည့် အမေရိကန် – အာဆီယံထိပ်သီးအစည်းအဝေး၏ နောက်ဆက်တွဲခရီးစဉ်အဖြစ် ချောလစ်သည် ထိုင်း၊ စင်္ကာပူ နှင့် ဘရုနိုင်းသို့ ထွက်ခွာသည့်ခရီးစဉ်အတွင်း မြန်မာ့အရေးနှင့်စပ်လျဉ်း၍ ယခုကဲ့သို့ဆိုခဲ့ခြင်းဖြစ်သည်။

မြန်မာ့အရေးမှာ အမေရိကန်က ဒဏ်ခတ်ပိတ်ဆို့မှုများကို ချမှတ်ခြင်းအပြင် အာဆီယံနှင့်တကွ စင်္ကာပူ၊ အင်ဒိုနီးရှား၊ မလေးရှားနိုင်ငံတို့နှင့်လည်း ပူးပေါင်းလုပ်ဆောင်မှုများရှိကြောင်း ချောလစ်က ဆိုခဲ့သည်။

မြန်မာ့အရေးကို အဖြေရှာရာတွင် တရုတ်သည်လည်း တစ်စိတ်တစ်ပိုင်းအနေနှင့်ပါဝင်လာနိုင်ရန်မျှော်လင့်ကြောင်း ချောလစ်က ‌ဖွင့်ထုတ်ပြောဆိုခဲ့သည်။
ပုံစာ – အမေရိကန်နိုင်ငံခြားရေးဝန်ကြီးဌာန၏ အကြံပေးဖြစ်သူ ဒဲရက် ချောလစ်

ခရက်ဒစ်
Burma Associated Press

Leave a Reply

Your email address will not be published.