Local News

မြဝတီ မြန်မာ့အသံမှာ ကြေညာတာနဲ့ မြေပြင်က ဖုန်း/ဒိုင်း/ဂွမ်းသွားတာတွေ ကွာခြားပုံ ပန်ဆယ်လိုပြော

မြဝတီ မြန်မာ့အသံမှာ ကြေညာတာနဲ့ မြေပြင်က ဖုန်း/ဒိုင်း/ဂွမ်းသွားတာတွေ ကွာခြားပုံ ပန်ဆယ်လိုပြော

PDF တွေ အများကြီးအဖမ်းခံနေရလား။ ညတိုင်းလိုလို မြဝတီမြန်မာ့အသံကနေ PDF တွေ ဖမ်းမိတာ အများကြီးဆိုတော့ အချို့က အားလျော့တဲ့ လေသံတွေ ဖြစ်လာတယ်။ အဲ့တော့ ပြောပြမယ်။

အဖမ်းခံရသူတိုင်း PDF တွေလားဆိုတော့ မဟုတ်ဘူး။ PDF တွေ ပါလားဆိုတော့ ပါတယ်။ ဆိုလိုတာက PDF တွေ အဖမ်းခံရတာတွေ ရှိလားဆိုတော့ ရှိတယ်။ ဒါပေမယ့် မြဝတီ မြန်မာ့အသံမှာ ကြေညာသလောက် များမနေဘူး။

တစ်နေရာရာမှာ ဖုန်း/ဒိုင်း/ဂွမ်းသွားတယ်။ လုပ်သွားသူ မမိလိုက်ဘူးဆိုရင် ပထွေးတွေက ကောင်းကောင်းဖျင်ကြိတ်မှာဆိုတော့ တွေ့ရာလူ/ အနီးနားကလူ ဆွဲဖမ်းသွားရော။

ဖမ်းသွားပြီး စစ်ကြောရေးမှာ နှိပ်စက်၊ စစ်မေး။ မသိပါဘူး ဖြေရင် ထပ်ရိုက်၊ မလုပ်ပါဘူးဖြေရင် ထပ်ရိုက်။ နောက်ဆုံးတော့ မထူးပါဘူး၊ ဟုတ်ပါတယ်၊ လုပ်ပါတယ်ဆိုပြီး ဖြေလိုက်ရရော။

စစ်ကြောရေးထဲက အရှင်ထွက်နိုင်ရင် မသေတော့ဘူး၊ ဖြေခိုင်းတဲ့အတိုင်းမဖြေရင် သတ်မှာဆိုတော့ ဟုတ်တယ်သာ ဖြေလိုက်ကြတာ။ အချို့ဆို ဖြစ်စဉ်ကိုတောင် ဘာမှန်းသိလိုက်ရှာတာ မဟုတ်ဘူး။

ဟုတ်ပါတယ်၊ လုပ်ပါတယ် ဖြေလိုက်ရင် မြဝတီ၊ မြန်မာ့အသံမှာ PDF တွေ မိပြီ ဘာညာ မြှားတွေထိုးပြီးကြေညာ၊ ဇာတ်ညွှန်းအတိုင်း ရေးပြ ဘလာဘလာ။

မမိရင် စောက်သုံးမကျရကောင်းလား ပထွေးတွေ ရှယ်ပက်ကေ့ချ်နဲ့ ဖျင်ချတာလည်း သက်သာ၊ PDF တွေ အများကြီးမိနေတယ်လို့ ပြည်သူကို အားငယ်အောင်လုပ်။ တစ်ချက်ခုတ် နှစ်ချက်ပြတ်တွေ လုပ်ကြတာ။

အချို့တွေ စိတ်အားလျော့ကျလာလို့ MaALoe တွေ ခင်းနေတဲ့အကွက်ကို ပြောပြတာ။ အဖမ်းခံလိုက်ရသူတွေက PDF တွေ မဟုတ်လည်း ငါတို့ ပြည်သူတွေပဲ။ ငါတို့သွေးသားတွေပဲ။ ငါတို့ကို အနိုင်ကျင့်ရက်စက်တာပဲ။

ဒီကောင်တွေလက်အောက်မှာ ဖမ်းချင်သလိုဖမ်း၊ သတ်ချင်သလို သတ်နေတာ ခံပြီးနေကြမလား။ ဘာအနာဂတ်မှ မရှိ ရှင်လျက်နဲ့ သေခံကြရမလား။

ဘာအပြစ်မှမရှိတဲ့ သူတွေက အသက်တွေ ပေးခဲ့ကြရသလို ဘာအပြစ်မှ မရှိသူတွေက ထောင်ထဲမှာ။ ငါတို့နိုင်မှ သူတို့တွေ လွတ်မြောက်နိုင်မှာ။

ရက်စက်နေသမျှတွေ မကြည့်ရက်လည်း ကြည့်ထား။ နာကျည်းစိတ်ဟာ အကြီးဆုံးလောင်စာပဲ ဖြစ်ရမယ်။

ပန်ဆယ်လို