Local News

နာကျည်းရင် ဘာစည်းနဲ့ကာကာ ငါတို့ရောက်အောင် လာခဲ့မှာ ဆိုတဲ့ပန်ဆယ်လို

နာကျည်းရင် ဘာစည်းနဲ့ကာကာ ငါတို့ရောက်အောင် လာခဲ့မှာ ဆိုတဲ့ပန်ဆယ်လို

ရင်ထဲမှာ အတော်နာကျည်းတယ်။ မနှစ်က ဒီလိုနေ့မှာ တစ်နိုင်ငံလုံး မျှော်လင့်ချက်တွေ အပြည့်နဲ့ မဲပေးခဲ့ကြတဲ့နေ့။

ပြည်သူတွေရဲ့ ဆန္ဒကို ပျက်ပျက်ထင်ထင် ပြသထားပြီးသား။ ငါတို့ရဲ့ ဒီမိုကရေစီ၊ ငါတို့ရဲ့ ဆန္ဒ။ ငါတို့က ဘာလိုချင်တယ်ဆိုတာ အခုလို ထွက်ဆန္ဒပြစရာမလိုအောင် ရှင်းရှင်းလင်းလင်း ပြသထားခဲ့ပြီသား။

ပြည်သူ့အသဲကြားက မဲတစ်ပြားကို မက်အိမ်လုံးများ စောက်ဖျင်ယားပြီး လုပ်ချင်တိုင်း လုပ်လို့ရတယ် အထင်သေးခဲ့တာ။ အခု တိုင်းပြည်က ဘာဖြစ်သွားလဲ။ စောက်ကျိုးပေါင်းစုံ နည်းခဲ့ရပြီ။ မသေသင့်ဘဲ သေခဲ့ကြတဲ့ အသက်ပေါင်းများစွာ။ ပျက်စီးခဲ့ရတဲ့ အနာဂတ်ပေါင်းများစွာ။

အာဏာဆိုတာ ပြည်သူဆီက ဆင်းသက်တာ။ လက်နက်အားကိုး MaALoe များ လုံးဝအုပ်ချုပ်ခွင့်မရဆိုတဲ့ စိတ်နဲ့ ရက်ပေါင်းများစွာ ရုန်းကန်နေတဲ့ ပြည်သူ။ ငါတို့တွေ ဘယ်လောက်ပင်ပန်းနာကျင်နေပါစေ ရပ်တန့်သွားမှာ မဟုတ်ဘူး။

စနစ်ဆိုးကို အမြစ်ချိုးနေတာ။ ဒီအမြစ်ဟာ ဆယ်စုနှစ်ပေါင်းများစွာ တွယ်ကပ်ဖောက်ဝင်နေခဲ့တာ။ အဆုံးထိ ဖယ်ထုတ်မှာမို့ ငါတို့လက်တွေလည်း နာကျင်နေကြရမှာ။ ဒါပေမယ့် ငါတို့ ရပ်တန့်မသွားဘူး။

ဆံဖျားကနေ ခြေဖျားအထိ ငါတို့ နာကျည်းမှုဟာ နေရာမလပ်ပဲ။ ငါတို့ရဲ့ တောက်ခေါက်သံဟာ ဒီသက္ကရာဇ်တစ်ခုလုံးကို ဖုံးလွှမ်းနေဆဲပဲ။

အာဏာဆိုတာ ပြောင်းဝကလာတဲ့ဆိုတဲ့ အတွေးအခေါ်ကို ငါတို့က အပြီးတိုင် ရိုက်ချိုးပြမှာ။ ပြည်သူ့အာဏာ ပြည်သူ့ဆီကပဲ ဆင်းသက်စေရမယ်။ ပြည်သူမပေးရင် မရစေရ။

လက်သန်းမှင်စွန်းခံရုံမက လိုအပ်ရင် လက်ညှိုးကွေးပြမယ့် ပြည်သူ။ ငါတို့မဲတွေကို မျက်ကွယ်ပြုခဲ့သမျှ အိပ်မက်ဆိုးတွေပဲ ရစေရမယ်။

ဒီပြည်သူဟာ ဒီမိုကရေစီအတွက် လက်သန်းတွေကိုပဲ မှင်စွန်းခံရဲတာ မဟုတ်ဘူး။ သွေးစွန်းခံပြီး တိုက်ယူနေကြတာ။ ငါတို့အိပ်မက်တွေ၊ ဘဝတွေကို ရိုက်ချိုးခဲ့သမျှ နောင်တကောင်းကောင်း ရစေရမယ်။

ကမ္ဘာမကြေဘူး။ ကမ္ဘာကြေရင်တောင် ဥဒါန်းမကြေစေရဘူး။ ငါတို့ရဲ့ အမုန်းတရားက နင်တို့ကို အကြားမလပ် စိုက်ဝင်စေရမယ်။ ငါတို့အနာဂတ်တွေကို ဖျက်စီးခဲ့သမျှ နင်တို့ဘဝအဆက်ဆက် ပျက်ကိုပျက်စေရမယ်။

ခွင့်လွှတ်မှုကို ငါတို့ဆီက ရကို မရစေရဘူး။ ခွင့်လွှတ်မိရင် ခွင့်လွှတ်သူကိုပါ ခွင့်မလွှတ်ကြေး။ ငါတို့ အမုန်းတရားဟာ နင်တို့ကို ကြေမွအောင် ဖျက်စီးနိုင်စေရမယ်။ ငါတို့လောင်ကျွမ်းမှုတွေထဲမှာ နင်တို့ရဲ့အရာရာပါ ပါကိုပါစေရမယ်။

နာကျည်းရင် ဘာစည်းနဲ့ကာကာ ငါတို့ရောက်အောင် လာခဲ့မှာ။

About the author

admin

Add Comment

Click here to post a comment