တာချီလိတ် Bar တွင် စိတ်ကြွဆေးတိုက်ထားတဲ့ (၁၇)နှစ်အရွယ် ကောင်မလေးရဲ့အဖြစ်(ရုပ်သံ)

ရုပ်သံကို အောက်ဆုံးတွင် ဖော်ပြထားပါသည်…။

သျှမ်းပြည်အရှေ့ပိုင်း တာချီလိတ်မြို့ Bar ဆိုင်တစ်နေရာတွင် Happy Water စိတ်ကြွဆေးရည်ကို သောက်သုံးသည့်

အသက် (၁၇) နှစ်အရွယ် မိန်းကလေးတစ်ဦး သတိမေ့သွားပြီး ဆေးရုံတင်လိုက်ရကြောင်း သတင်းသိရှိရသည်။

ယခု (ဒီဇင်ဘာလ) ပထမပတ်အတွင်း တာချီလိတ်မြို့ Bar ဆိုင်တစ်နေရာတွင် သွားရောက်လည်ပတ်ခဲ့ရာ

အသက် ၁၇ နှစ် အမျိုးသမီးတစ်ဦးက Happy Water စိတ်ကြွဆေးရည်ကို သောက်သုံးပြီးနောက် နာရီဝက်အတွင်း သတိလစ်မေ့သွားပြီး

ဆေးရုံသို့ တင်ပို့ဆောင်လိုက်ရကြောင်း တာချီလိတ်မြို့ဒေသခံ အသက် ၃၀ နှစ် အမျိုးသားတစ်ဦးက သျှမ်းသံတော်ဆင့်ကို ပြောသည်။

“ သူငယ်ချင်းတွေနဲ့စုပြီး Bar မှာသွားလည်တာထင်တယ်။

သူငယ်ချင်းတွေက သူ့ကိုစချင်သလို၊ နှောက်ချင်သလို နဲ့ ခွက်ထဲကို Happy Water စိတ်ကြွဆေးဖျော်ပြီး တိုက်လိုက်တာ။

မိနစ် ၂၀၊ နာရီဝက် နီးပါး အကြာမှာပဲ လူကတောင့်ပြီး မာလာတယ်။ အသက် မရှုနိုင်တော့မှ သူ့ သူငယ်ချင်းတွေက ဆေးရုံကို ပို့လိုက်တယ် “ ဟု ၎င်း အမျိုးသားတစ်ဦးက ပြောသည်။

၎င်း အမျိုးသမီးတစ်ဦးသည် တာချီလိတ် ပြည်သူ့ဆေးရုံတွင် ၂ နာရီ ကြာအောင် သတိမေ့လစ်သွားပြီးနောက် ပြန်လည်သတိရလာကြောင်း ၎င်းက ဆက်ပြောသည်။

Happy Water စိတ်ကြွဆေးရည်သည် KTV ဆိုင်၊ ကလပ်ဆိုင်၊ Bar ဆိုင်များတွင် အများဆုံးတွေ့ရပြီး

ပုံမှန် ပျော်မြူးချင် သူများအတွက် (ကျွဲရိုင်း) အချိုရည်နှင့်ရောပြီး သောက်သုံးရသည့် စိတ်ကြွဆေးရည် တစ်မျိုး ဖြစ်ကြောင်း သိရသည်။

“ သူက ကော်ဖီအမှုန့်လိုပဲ ကော်ဖီအနံ့နဲ့ သစ်သီးအနံ့ ရှိတယ်ဗျ။ အဲ့ဒီ အမှုန့်ကို ကျွဲရိုင်းနဲ့ရောပြီး သောက်ရတယ်။

ဒါကို သောက်ပြီးရင်တော့ ပုံမှန်လူတွေထက် ၃ ဆပိုပြီး စိတ်ကြွလာတယ်။ သောက်ပြီး မကရင်တော့ အရိုးအဆစ်တွေ အေးခဲလာမယ်။

ကိုယ်လုံး မာလာပြီး မျက်တောင်လည်း မခက်တော့ဘူး။ နောက်ဆုံး အသက်ဆုံးရှုံးရတဲ့ အထိဖြစ်တယ် “ ဟု Happy Water စိတ်ကြွဆေးရည်ကို သုံးစွဲဖူးသော အသက် ၂၇ နှစ် လူငယ်တစ်ဦးက ပြောသည်။

Happy Water စိတ်ကြွဆေးရည်အပြင် နှာခေါင်း နှင့် ရှူရှိုက်ရသော K (ခေါ်) မူးယစ်ဆေးဝါး၊ E (ခေါ်) မူးယစ်ဆေးဝါးများကို အာဏာပိုင်များနှင့် လာဘ်ပေးပြီး ပေါ်ပေါ်ထင် ရောင်းချနေလျက်ရှိကြောင်း သိရသည်။

လက်ရှိ Happy Water စိတ်ကြွဆေးရည် (ကော်ဖီတစ်ထုပ်) ကို ထိုင်းဘတ်ငွေ (၃,၀၀၀) ဘတ်မှ (၅,၀၀၀) အထိ ပေါက်ဈေးရှိနေပြီး

K (ခေါ်) မူးယစ်ဆေးဝါးကိုတော့ (Kg) အလေးချိန်ဖြင့် ထိုင်းဘတ်ငွေ (၁,၀၀၀) ဘတ်မှစပြီး ဝယ်ယူပြီး ရရှိနေကြောင်း သိရသည်။

Leave a Reply

Your email address will not be published. Required fields are marked *