ရန်ကုန်မြို့မှာ EV လျှပ်စစ်တက္ကစီယာဉ်တွေကို ဘယ်သူမဆို အခမဲ့ လာရောက်စီးနင်းနိုင်တဲ့ အစီအစဉ်ကို မတ် ၁၆ ရက်က စတင်ပြုလုပ်နေတယ်လို့ EV Myanmar Group တည်ထောင်သူ ဦးကျော်ကျော်ထွန်းက One News ကို ပြောပါတယ်။
အခုအစီအစဉ်မှာ ပါဝင်နိုင်ဖို့အတွက် www.myantickets.com ဝက်ဘ်ဆိုက်မှာ စာရင်းပေးသွင်းပြီးတော့ ရန်ကုန်မြို့ ၊ လသာမြို့နယ်၊ လသာလမ်းမှာ လာရောက်စီးနင်းနိုင်တယ်လို့ ဦးကျော်ကျော်ထွန်းကပြောပါတယ်။
EV လျှပ်စစ်ကားတွေကို စီးနင်းတဲ့အတွက် သဘာဝပတ်ဝန်းကျင်ကို ထိန်းသိမ်းနိုင်တာ၊ ဓာတ်ဆီ ဒီဇယ်ဖိုးကို သက်သာစေတာအပြင် စီးနင်းသူတွေကိုလည်း လုံခြုံမှု ရှိစေတယ်လို့ ဆိုပါတယ်။
EV လျှပ်စစ်ကားစီးနင်းရတာ သက်တောင့်သက်သာရှိပြီး သွားလာရလည်း အဆင်ပြေတယ်လို့ EV ကား စမ်းသပ်စီးနင်းသူ ကိုပြည့် ကလည်းပြောပါတယ်။
လူတိုင်းအခမဲ့ စီးနင်း/မောင်းနှင်နိုင်တဲ့ EV တက္ကစီ အစီအစဉ်ကိုတော့ တစ်လတိတိ သတ်မှတ်ထားပြီး အခမဲ့ စီးနင်းခြင်း ခွင့်ပြုချက်ယူနိုင်ဖို့အတွက် သတ်မှတ်ထားတဲ့ စည်းမျဉ်းစည်းကမ်းတွေကို လိုက်နာဖို့ လိုအပ်တယ်လို့ သိရပါတယ်။
COPY @One News Myanmar