ရန်ကုန်၊ မတ် ၁၆
အိန္ဒိယသမုဒ္ဒရာဖက်မှ ဝင်ရောက်လာမည့် မိုးတိမ်နှင့် အအေးတိမ်တိုက်များကြောင့် လာမည့် ၃ ရက်အတွင်း
မိုးသည်းထန်စွာရွာသွန်းနိုင်ကြောင်း မိုးလေဝ သပညာရှင်တစ်ဦးက ပြောသည်။
အဆိုပါ Indian Ocean Dipole (IOD) လေစီးကြောင်းသည် လက်ရှိတွင် လက်ယာရစ်အတိုင်းပတ်ပြီး
မြန်မာနိုင်ငံမြောက်ပိုင်း ကချင်ပြည်နယ်သို့ ဦး တည်ဝင်ရောက်လာမည်ဟု ၎င်းကသုံးသပ်ပြောဆိုသည်။
“IOD အိန္ဒိယတိုက်ပေါ်မှာသွားလေစီးကြောင်းက လက်ယာရစ်၊လက်ဝဲရစ် လည်တယ်။ လက်ယာရစ်က အိန္ဒိယဟိမဝန္တာပေါ်ကနေဖြတ်ပြီးတော့
ကချင် ပြည်နယ်ကနေ မြောက်ဖက်ကနေ မြန်မာနိုင်ငံထဲကိုဝင်တယ်။ လက်ဝဲရစ်က သီဟိုဠ်ကျွန်းတို့ကိုဖြတ်ပြီးတော့ တောင်ပိုင်းကနေ မြောက်ဖက်ကို ဆန့်ကျင် ဘက်ပြန်ဆင်းတာပေါ့။
အခုလောလောဆယ် ဖြစ်နေတဲ့အနေအထားက လက် ယာရစ်လည်တယ်။ အိန္ဒိယဘက်ကနေ မိုးတိမ်တွေ အအေးတိမ်တွေက ဝင်လာ မယ်။
ဟိုရက်က ရွာတာကျတော့ လာနီညာအကျန် တရုတ်ပြည်၊ဗီယက်နမ်တို့ ကိုဖြတ်ပြီးဝင်လာတဲ့ အရှေ့မြောက်မုတ်သုံလေက ၁၃၊ ၁၄ ရက်မှာရွာသွားတာ။
ကျနော်ခန့်မှန်းတာက ၁၉ ရက်လောက်ကနေ ၂၀၊ ၂၁ ရက်လောက်မှာ အခုလို မိုးတွေရွာဦးမယ်” ဟု မိုးလေဝသပညာရှင် ဦးဝင်းနိုင်က ပြောသည်။
ထို့အတူ ၂၀၂၃ မတ်လ ၁၅ ရက်မှ ၂၅ ရက်အတွင်း ကချင်ပြည်နယ်၊ စစ်ကိုင်း တိုင်းအထက်ပိုင်း၊ ရှမ်းပြည်နယ်မြောက်ပိုင်းဒေသများတွင် အနောက်လေစီး ကြောင်းများမှ နွေကူးမိုးများ ရွာလာနိုင်ကြောင်း မိုးလေဝသပညာရှင်တစ်ဦးက ခန့်မှန်းသုံးသပ်ထားသည်။
ယနေ့ မတ်လ ၁၆ ရက် မိုးလေဝသနှင့် ဇလဗေဒဌာနမှ နောက် ၂ ရက်အတွက် ခန့်မှန်းချက်များတွင် စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေ သကြီး၊ ကချင်ပြည်နယ်၊
ချင်းပြည်နယ်နှင့် ကရင်ပြည်နယ်တို့တွင် နေရာကွက် ကျားမှ နေရာကျဲကျဲ မိုးထစ်ချုန်းရွာနိုင်ပြီး မန္တလေးမြို့အနီးတစ်ဝိုက်တွင်လည်း ရွာရန်ရာခိုင်နှုန်း (၆၀) ရှိကြောင်း ထုတ်ပြန်ထားသည်။
သတင်း – ဝသုန်
ဓါတ်ပုံ – မိုး/ဇလ